చిక్కు ముడి

చిక్కు ముడి...

కలిసుండి విడిపోయామిప్పుడు
విడిపోయి కలుసున్న క్షణమిది
అదే విచిత్రం, విషాదం...

కన్నీటి వర్షం చినుకుల వానకు సంకేతమేమో
హృదయంలో ఇన్ని సంఘర్షణలు ఎక్కడివి?
జ్ఞాపకాల సముద్రంలో ఈ అల్లరి కెరటాలను
ఎలా విరమించను ?

ఆ వేడి నిట్టూర్పులు దేనికి సంకేతం?
ఆ వాడి బాణాల గమనమెటు ?

సమయమైతే తక్కువే ఉంది?
పాతికేళ్ల వెనక్కి ఎలా వెళ్ళను?
దారి నిండా నిప్పుల నెగళ్లు
బాట మూసి ముసిముసినవ్వులు రువ్వుతంది!

మరో తొవ్వల ఎలా నడవను?
అన్నీ ప్రశ్నలే
జవాబులు దొరకని జీవిత పోరాటం.

విలువలను వదలలేను
మోసాన్ని ఓర్వలేను
చిక్కు రహదారి
ఒంటరిగా నడుస్తూనే ఉన్న...

అగో
ఆ తీరంలో ఏదో రాసుంది
తొందరగా చదవాలి.
అల్లరి చేయకండి...

తేది: 12.04.2017.