చిరునామా ఖాళీ...

చిరునామా ఖాళీ
~~~~~~~~
పంట పండుతుంది
దలారుల పంటా పండుతుంది
అన్నం పెట్టిన చెయ్యికి
అప్పుల కుప్ప మిగులుతుంది

ఏ పార్టీ కూడా ఇతణ్ణి
కార్యకర్తను చేసుకోవటానికి ఇష్ట పడదు

కార్తె క్యాలెండర్ నెల మారుతుంది
పంట ఋణం
రి-షెడ్యూలు రంగు పూసుకుంటుంది

బ్యాంకు ట్రెజరీ లో
విత్తనాలకు పైసలు లేక
ఉరి కొయ్యలకు రెక్కలస్తయి
కుటుంబానికి కుటుంబం
గుండె బాయి నుంచి
దుక్కాన్ని తోడుకుంటరు

రాజ్యపు గద్దకు
ఓదార్పుకూ సమయముండదు
ఏదో ఒక పథకం పేర
ఎలక్షన్లకు ముందు ఓ చల్లని చెక్కు
కోరియర్ లో మెరుస్తూ వస్తుంది

ఆ చిరునామా లో
కొరియర్ బాయ్ డెలివర్
చేయడానికి ఎవరూ ఉండరు.

తేది : 17.03.2016.